перевести

Республикон литературон конкурс “Фидибæстæбæл хуæздæр поэтикон уадзимис”-и хатдзæг

Республикон литературон конкурс «Фидибæстæбæл хуæздæр поэтикон уадзимис» исаразта РЦИ-Аланий Фæсевæди æфсæддон-патриотон Центри культури хаййадæ. Зæрдиагæй си баархайдтонцæ нæ республики искурдиадгин кæстæртæ – скъоладзаутæ ‘ма студенттæ.
Жюри ци хатдзæг рахаста, уомæ гæсгæ ба Касати Аслæнбек æма Тъехти Эльбрус Горæти Централон библиотеки исаразтонцæ фембæлд (æ амонæг – библиотеки хаййади сæргълæууæг Дзугати Риммæ), цæмæй хуæздæр уадзимисти автортæ хуарзæнхæгонд æрцæуонцæ, æма, хестæр фæлтæри номæй, журнал «Ирæф»-и сæйраг редактор Скъодтати Эльбруси къохтæй райсонцæ сæ лæвæрттæ.
Хъæбæр ахсгиаг фарста – патриотон гъомбæладæбæл – цудæй дзубанди хестæртæ ‘ма кæстæрти астæу, уæдта конкурси ка рамулдта, етæ бакастæнцæ се ‘мдзæвгитæ.
Хуарзæнхæгонд æрцудæнцæ: Тедети Кристинæ (Дзæуæгигъæуи скъола-интернат), Урумти Заурбег (ирон филологий факультети 2-г къурс), Калоти Геуæрги (4-г гимназий 8-г къласс), Хетъети Луизæ (ирон филологий факультет), Гасаева Лайла (ирон филологий факультети магистратури 1-г къурс), Кайсинти Артур (Финансон университети 2-г къурс), Каркусти Тиминæ (Рамоново гъæуи астæуккаг скъолай 5-г кълас).
Скъодтати Эльбрус, журнал «Ирæф»-и сæйраг редактори хуæдæййевæг Колити Витали, рауагъдадæ «Ир»-и сæйраг редактор Тъехти Тамерлан æма журнал «Ногдзау»-и редактор Сæлбити Дианæ дæр раарфæ кодтонцæ конкурси ка рамулдта, уонæн.

Обратная связь