Мæздæги райони станица Ново-Осетинскиййи байгон æй Гурдзибети Бласкай Хæдзарæ-музей.
Мадзали архайдтонцæ станици цæргутæ, хецауади мийнæвæрттæ, æхсæнадон æма музейти косгутæ, историктæ, меценаттæ, иуазгутæ еугур республикæй.
Нæ республики Парламенти сæрдар Тускъати Таймураз раарфæ кодта æрбацæуæг адæнæн бæрæгбони фæдбæл, загъта: «Блашка адтæй æскъуæлхт поэт, тугъдон, гражданин. Æнæмæнгæ, адтæй устур поэт, нæ адæни фæдги бундор, æ духовон уагæ ин хъæбæр арф ка æнкъардта, растдзийнади, адæймаги уарзундзийнади идеалтæн ка лæгкадæ кодта, уæхæн. Махæн ацибон нæ ихæс æй уони идарддæр кæнун. Идарддæр кæнун гъæуй Блашкай поэтикон бундайради хæццæ куст дæр».
Бæрæгбони фæдбæл раарфæ кодта литературон-аййевадон журнали сæйраг редактор Скъодтати Эльбрус. Балæвар кодта музеййæн киунугутæ дигорон æма уруссаг æвзæгтæбæл.
Хæдзарæ-музей цалцæггогд æрцудæй меценат Боллоти Таймурази æнхусæй. Æ реставрацибæл ин бакуста Гобети Иристон, пайда кодта рагон хузтæй.
Хæдзарæ-музей иссæй Национ музеййи филиал.
