перевести

Футбол. Турнир республики дзиллон информацион мадзæлтти командити астæу

Парти «Единая Россия» Дзæуæгигъæуи исаразта турнир футболбæл нæ республики дзиллон информацион мадзæлтти (СМИ) командити астæу.
Мухуради комитети команди капитан адтæй литературон-аййевадон журнал «Ирæф»-и сæйраг редактор Скъодтати Эльбрус.
Еристæ цудæнцæ еу бонмæ. Архайдта си фондз команди. Алке дæр си рагъазта 4 гъазти. Мухуради комитети командæ рамбулдта еугуреми дæр мæнæ ауæхæн хигъдтитæй: 4:2; 4:0; 6:0; 4:1. Турнири хуæздæр бомбардир иссæй Мухури Комитети команди капитан Скъодтати Эльбрус – бакъуæрдта аст голи.
Дугкаг æма æртигкаг бунæттæ ниййахæстонцæ информацион портал «Кавказ-Рэд» æма телекомпани «Осетия-Иристон»-и командитæ.
Комитети командæн лæвæрд æрцудæй Кубок, æ иуæнгтæн ба – «сугъзæрийнæ» майдантæ.
Æртæ фиццаг бунати ка ниййахæста, уонæн сæ еугуремæн дæр парти «Единая Россия»-й номæй ракодтонцæ хъазар лæвæрттæ.
Мухури Комитети сæрдар Фидарати Юрий æма æ хуæдæййевæг Габалти Мадинæ алкæддæр сæ цæстингас дарунцæ, цæмæй фæсевæд спорти архайонцæ, уомæ.

Обратная связь